كنا وكانو تاريخ وحضاره
كل العالم منها يغير
بلا انفاق بلا بترول او سلاح ابيض بيطير
قاعد جدى فرعون الاكبر
على سطح هرمو بيبنى مجدو ومجد اولاده
جوم احفاده ياخساره من بعده
باعه احلامهم هدوا حضاره وتاريخ وكفاح
باعو كرامه الالاف السنين بكم مليون ولا مليار
اهو كلو فالاخر بيع للكرامه ومش فارق كتير
اتخلينا فالاول عن حلم السياده الذاتيه
قلنا كلام وملوش اساس تعالو نعيش الحريه
ايه كتفك او قيدك غير حبك للثروه
اقبض مال واقتل فعيال لسه عالدنيا بتتكون
خيبه قويه ومسكت فينا
من ايام ساداتنا لما قالو سلام يامعلم سلم تكسب وانا من رايى كان استسلام
صاحب الحق يوم مايسلم بيقتل حقه اكيد بايديه
خايف ليه وقاعد متكتف كل ده بسببك صدقنى
فكر مره تحلم وتنفذ بطل من حلمك تتألم
موتا ياصاحبى ولا اكتر
قول الحق وسيب الروح لخالقها لو هتسلم
بنشجب ونحتج ونعترض ونقاطع وفالاخر بنضحكلهم
كرم الضيافه قال كده
؟؟؟
ولا حب الثروه فوق طموحتنا واحلامنا هو اللى بيتحكم وبيتكلم
رجال اعمال واشتروهم زى عرايس المريونيت بيحركوهم
فكر لعلمائنا واتكتف لافى ميزانيه ولا حتى جهود ذاتيه
مصطبتى حبيبتى الغاليه
قاعده عليكى وجنبى كتير
جنبى اخويا من فتح والتانى حماس
جنبى مسلم بيعادى فمسلم
بين قوسين اوعا تحتاس
عملوها وفرقوا بينا واحنا بخيبتنا صدقنا
ماتيجى نفكر ونحسبها مين ليه مصلحه فالفرقه
يااخونا حماساوى حرام على قلبك يعذب ويقتل فتحاوى اخوه
ياشيخ عيب على دقنك وسجادتك وصلاتك
مين قالك انو خانك وباعك لليهود
ده انت بعقلك لازم تميز انو شريك معاك على وطن حزن مشارك
فرح مشارك
ولازهقت خلاص من الشركه وقررت تكون مالك
بس هقولك يوم مع اخوك بتتصالح شوف ازرائيل بتعمل ايه
سلاح مدمر قتل وخراب
وتقولى هما ليهم صحاب
مهو بيتك وبيتو مسكين فبعض
يعنى يوم ماتتقزى اكييييييييييييييييييييد هايتقزى معاك
ولا كدبه خلقناها وصدقناها وبقينا ليها خدام عالارض
روح على بغداد ولا مصر
فوت عالسعوديه والامارات
ومعاهم الكويت
عملاء ليهم حتى فليبيا
سودان والمغرب
جو ه الخطه
جزائر والكوره خربتنا فلحظه
فوق واصحا ياصحبى وعيب
عيب نقول اخوه ومحبه
ويوم مااتفقنا على حاجه
كانت هى الهجره والغربه
قررت تسيب البلد وتكتب ليها مراسيل من بعيد
وتقول الحياه صعبه
مهو هما اللى مصعبنها علينا عشان نزهق منها
وفيوم يفكروا اننا بالساهل نبيعها
حتى لو كل الناس سابيتها انا قاعده فيها
ولالحظه تانى هبعد عنها
هى بلدنا ايه غير انا وانت وامى وابويا واخواتى وصحابنا وجيرانا
تفتكر كل القلوب دى تستاهل نبيعها
ولا عشان حفظنا كلمتين عنجليزى على فرسكاوى
بقينا خواجات ياكبير
ليه من عربيتنا بنتلون
شعارات هى ولا كلام فخر ومجد وعز ونصر
واختارناه وبيعناه
وبقا الحلم فالغاز يتباع ليهم بالمتر
حتى النيل حصه واتقلل
بعد ماكان لينا ميزانيه بفضل نضافه عمى نظيف نضفنا
وعالخيبه قعدنا
ماتفكرش انت وابوك ان فيوم هروح وانتخبك
قاعده وبمزاجى عمرى ماهديك صوتى
اصل خلاص صوت العرب من الخوف هرب
بقينا صوم وبوكم واحنا لسه بنسمع ونتكلم
امانه عليك للعروبه قولها ياسلام سلم
وحش ياسيدى وعندك كلمه من كلامى هتقول وتعيد
اعمل ايه ياست اللمضه
ولا تتحرك خليك ياصاحبى فالخط مبلط
لغايه فيوم ماتلاقيهم حتى البلاطه
ليها احتلو
ياعينى عليكى ياحريه ومرمر
اسطول العالم واتدمر
واستفتاء وحرك العالم الدولى واتكلم
اوعا تفكر هيعملو حاجه
ياعو ياصاحبى احلامنا من زماااااااااااااااااااااان
من ايام مافكرنا فوقت استشهاد اخواتنا ننام
لما كسلنا عن قضيتنا
وهدينا بايدينا حياتنا
ماتزعلش منى ولاازعل
هقولهالك ولااخر مره
علينا الرحمه والفاتحه جايزه
من يوم مابقينا
عرب ولكن ................................
دون عروبه
3-6-2010
السبت يناير 01, 2011 6:05 pm